"Кристал Пэлас" марказий ҳимоячиси Марк Гехи "Ливерпуль"нинг асосий трансфер мақсадларидан бири ҳисобланади.
Бу ёзда "қизиллар" аллақачон 300 миллион евродан кўпроқ маблағ сарфлаб бўлишган, бироқ улар яна камида битта харидни амалга оширишни режалаштирмоқда - клуб ҳимоя чизиғини кучайтириш керак деб ҳисобламоқда. Мерсисайдликлар шорт-листида айнан Гехи етакчилик қилмоқда, дейди нуфузли инсайдер Фабрицио Романо. 25 ёшли футболчининг "Кристал Пэлас" билан шартномаси келаси йили якунига етади, шу боис "бургутлар" жорий трансферлар даврида футболчини арзонроқ нархда сотишга мажбур бўлади.
Марк Гехининг Transfermarkt портали талқини бўйича нархи 45 млн еврога тенг. Ўтган мавсумда англиялик футболчи "Пэлас" сафида 44 та ўйинда майдонга тушиб, 3 та гол ва 2 та голли узатмага муаллифлик қилган.
