"Kristal Pelas" markaziy himoyachisi Mark Gexi "Liverpul"ning asosiy transfer maqsadlaridan biri hisoblanadi.
Bu yozda "qizillar" allaqachon 300 million yevrodan ko‘proq mablag‘ sarflab bo‘lishgan, biroq ular yana kamida bitta xaridni amalga oshirishni rejalashtirmoqda - klub himoya chizig‘ini kuchaytirish kerak deb hisoblamoqda. Mersisaydliklar short-listida aynan Gexi yetakchilik qilmoqda, deydi nufuzli insayder Fabrisio Romano. 25 yoshli futbolchining "Kristal Pelas" bilan shartnomasi kelasi yili yakuniga yetadi, shu bois "burgutlar" joriy transferlar davrida futbolchini arzonroq narxda sotishga majbur bo‘ladi.
Mark Gexining Transfermarkt portali talqini bo‘yicha narxi 45 mln yevroga teng. O‘tgan mavsumda angliyalik futbolchi "Pelas" safida 44 ta o‘yinda maydonga tushib, 3 ta gol va 2 ta golli uzatmaga mualliflik qilgan.
