"Челси" "Астон Вилла" ярим ҳимоячиси Морган Роджерс трансферини режалаштирмоқда.
"Кўклар" 22 ёшли футболчига тез орада таклиф билан чиқиши мумкин. CaughtOffside хабарига кўра, лондонликлар музокараларни осонлаштириш учун келишувга Бенуа Бадьяшиль, Трево Чалоба ёки Тосин Адарабиойони қўшишга тайёр.
Морган Рожерснинг нархи Transfermarkt экспертлари баҳосига кўра, 55 млн еврони ташкил этади. Ўтган мавсумда ҳужумкор ярим ҳимоячи барча турнирларда "Вилла" сафида 54 та ўйинда 14 та гол урди ва 15 та голли узатмани амалга оширди, шунингдек, футболчи Англия терма жамоаси сафида олтита ўйинда майдонга тушди.













