"Барселона"нинг Японияга сафар барибир ташкил этиладиган бўлди.
Аввалроқ, Каталония клуби 27 июль куни бўлиб ўтиши керак бўлган "Виссель Кобе"га қарши ўйинни ўтказишдан бош тортганини эълон қилганди.
"Кўк-анорранглилар"нинг бу қадами Японияда салбий реакцияга сабаб бўлди, деб ёзади Mundo Deportivo. Jijantes маълумотларига кўра, "Барса"га ўтмишда ҳомийлик қилган Rakuten компанияси клубга тўловнинг қолган қисмини олишда муҳим роль ўйнаган.
Натижада каталонияликлар Японияга кечикиб учишадиган бўлди. Дастлаб жамоа бугун эрталаб учиши керак эди, энди клуб янги сафар жадвалини тасдиқлаши керак.
Эрталабдан футболчилар базадаги машғулотларда иштирок этишди. Улар бугун тушдан кейин саёҳатга чиқишлари ёки жума куни учишлари мумкин.
