"Ювентус" янги марказий ҳужумчи олиб келиш устида ишламоқда. La Gazzetta dello Sport хабарига кўра, Турин клуби "Болонья"дан Сантьяго Кастро ва "Манчестер Юнайтед"дан Расмус Хёйлунд каби футболчилар номзодини кўриб чиққан. Бироқ, "кекса синьора" бош мураббийи Игор Тудор клубдан Рандаль Коло-Муанини сотиб олишни сўради. Айнан 26 ёшли французни туринликлар устози ўз сафига қўшиб олишни истамоқда.
Аввалроқ Коло-Муани "ПСЖ" ёшлар жамоасига юборилгани ҳақида хабарлар тарқалган эди. 2024/2025 йилги мавсумнинг иккинчи қисмида Рандаль "Ювентус"да ижара асосида ўйнади.













