Дани Себальос ва Эдуардо Камавинга "Реал"да қолади.
Cadena SER хабарига кўра, Хаби Алонсо клуб раҳбариятидан бирорта ҳам ярим ҳимоячини сотмасликни сўраган, у "Реал"да бу позицияда ўзи кўп ўйинчи йўқ, деб ҳисобламоқда.
Қайд этилишича, "Реал" Себальосни сотишни мақсадга мувофиқ эмас деб ҳисобламоқда, чунки трансфер бозорида бошқа даражаси ва нархи бўйича тенг келадиган футболчилар йўқ. Испаниялик ярим ҳимоячига "Бетис" қизиқиш билдираётганди, аммо Алонсо футболчига унга ишонишини айтиб бўлган.
Шунингдек, Камавингага АПЛдан таклифлар бўлгани, аммо француз уларни рад этгани айтилмоқда.













