"Манчестер Юнайтед" трансфер ойнаси ёпилгунга қадар дарвозабонлар позициясини кучайтиришни режалаштирмоқда.
"Қизил иблислар"нинг мақсади "Астон Вилла" вакили Эмилиано Мартинес бўлиб қолмоқда. Бирмингем клуби аллақачон "Юнайтед"га рад жавобини берган, аргентиналикнинг ўзи эса Манчестерга кўчиб ўтиш учун очиқ. Журналист Ҳерман Гарсиянинг ёзишича, манкунианликлар вакиллари "вилла"нинг 32 ёшли посбони бўйича музокараларни давом эттирмоқда, уни сотиб олишдан шахсан жамоа етакчиси Рубен Аморим манфаатдор.
Хабарингиз бор, "Манчестер Юнайтед" "Астон Вилла"га ижара вариантини таклиф қилган эди. Transfermarkt талқинига кўра, Мартинеснинг нархи 20 млн еврога тенг. Жаҳон чемпионининг амалдаги шартномаси 2029 йилда ўз ниҳоясига етади.













