"Ювентус" ҳужумчиси Кенан Йилдиз яқин келажакда сотилмайди.
Англия Премьер-лигасининг икки клуби 20 ёшли футболчи учун катта сумма таклиф қилишга тайёр эди, аммо "кекса синьора" раҳбарияти истиқболли турк сотилмаслигини маълум қилди, дея хабар беради инсайдер Фабрицио Романо. Ёш ҳужумчи лойиҳанинг асосий фигураси ҳисобланади, у билан янги шартнома бўйича музокаралар олиб борилмоқда, бу ҳақда аввалроқ бошқа манбалар хабар берган эди.
Миш-мишларга ишонадиган бўлсак, Кенан Йилдизга даъвогарлардан бири "Челси" эди. Порлаётган юлдузнинг Transfermarkt сайтидаги нархи - 50 млн евро. Футболчининг "Ювентус" билан амалдаги шартномаси 2029 йилга қадар имзоланган.
