"Ньюкасл" ҳужумчиси Александр Исак фаолиятини "Ливерпуль"да давом эттирмоқчи.

25 ёшли футболчи мерсисайдликлар сафига ўтишни орзу қилмоқда, дея хабар бермоқда инсайдер Фабрицио Романо. Энди барчаси "Ньюкасл"га боғлиқ. Швед аллақачон "қарғалар" раҳбариятига ўз истагини билдирган.

"Ливерпуль" Transfermarkt портали томонидан 120 млн еврога баҳоланган Исак бўйича "жуда жиддий" таклиф беришга тайёр. Аввалроқ, ушбу форвардга Саудия Арабистонидан қизиқиш бўлаётгани ҳақида хабарлар тарқалган, шунингдек, унга даъвогарлар қаторида Англия Премьер-лигасининг бошқа грандлари ҳам тилга олинган эди. Яқинда футболчи "Ньюкасл" билан шартномани узайтиришдан бош тортган эди.