"Nyukasl" hujumchisi Aleksandr Isak faoliyatini "Liverpul"da davom ettirmoqchi.
25 yoshli futbolchi mersisaydliklar safiga o‘tishni orzu qilmoqda, deya xabar bermoqda insayder Fabrisio Romano. Endi barchasi "Nyukasl"ga bog‘liq. Shved allaqachon "qarg‘alar" rahbariyatiga o‘z istagini bildirgan.
"Liverpul" Transfermarkt portali tomonidan 120 mln yevroga baholangan Isak bo‘yicha "juda jiddiy" taklif berishga tayyor. Avvalroq, ushbu forvardga Saudiya Arabistonidan qiziqish bo‘layotgani haqida xabarlar tarqalgan, shuningdek, unga da’vogarlar qatorida Angliya Premyer-ligasining boshqa grandlari ham tilga olingan edi. Yaqinda futbolchi "Nyukasl" bilan shartnomani uzaytirishdan bosh tortgan edi.













