Келишилган ўйинларни уюштирганликда айбланаётган Лондоннинг "Вест Хэм" клуби юлдузи Лукас Пакета тўлиқ оқланадиган кўринади. Бу ҳақда Daily Mail хабар бермоқда.
Пакетга ставкалар бозорига таъсир ўтказиш мақсадида атайлаб сариқ карточкалар олиш айблови қўйилган. У умрбод дисквалификация қилиниши мумкин эди, бироқ унинг ишини кўриб чиққан мустақил комиссия унинг айбсизлиги ҳақида хулосага келди. Қайд этиш керакки, суд жараёнлари 2 йилдан бери давом этмоқда ва бу футболчининг "Манчестер Сити"га ўтишини барбод қилди.
"Вест Хэм" 25 июль куни комиссия қароридан хабардор қилинган, бироқ инглиз футболи раҳбарияти расмий баёнот бергунига қадар сукут сақлайди.
