"Барселона"нинг собиқ бош мураббийи Хави Эрнандес ҳамон ишсиз. Испаниялик мутахассис 2023/24 йилги мавсум якунланганидан сўнг "кўк-анорранглилар" бошқарувидан бўшатилганди - шундан бери у мураббийлик фаолиятига қайтмади. Diario Sport хабарига кўра, Хавига турли таклифлар бўлган, бироқ уларнинг ҳеч бири уни ишонтира олмаган. Афсонавий собиқ ярим ҳимоячи яна бир бор Европанинг топ-клубида ўзини синаб кўрмоқчи.
Хави икки ярим йил давомида "Барселона"ни бошқарган. У 2022/23 йилги мавсум якунларига кўра жамоани Ла Лигада чемпионликка етаклади. Каталонияга қайтгунга қадар у Қатарнинг "Ас-Садд" клубида фаолият юритган.
