Ўтмишда машҳур бўлган футболчи, ҳозирда Саудия Арабистонининг "Ал-Иттиҳод" клуби мураббийи Лоран Блан "Барселона" академияси ҳақидаги фикрлари билан ўртоқлашди.
"Барселона" молиявий ва маъмурий муаммолар билан оғир кунларни бошдан кечирди. Жамоани қийин вазиятдан нима олиб чиқди? Унинг ёш ўйинчилари. Мен учун "Барселона" ҳар доим аъло даражадаги академияга, "Ла Масия"га эга катта клуб бўлган. Мен учун бу клубнинг юраги," - дея Бланнинг сўзларини келтиради sport.es.
"Агар "Ла Масия" бўлмаганида, "Барса" ўз фаолиятини давом эттирмасди. Эҳтимол, у йўқ бўлиб кетарди. Клубни айнан ёшлар қутқариб қолди. Ямал, Педри, Гави... Ёш футболчилар пайдо бўлса, "Барселона" яна буюк жамоага айланади".
Блан 1996 йилдан 1997 йилгача "Барселона" таркибида ўйнаган ва Испания чемпионатида 28 та ўйинда майдонга тушиб, 1 та гол урган.
