Конституцион суд Барселонадан Casa Paraula юридик фирмасининг "Реал" собиқ бош мураббийи Жозе Моуриньо юзасидан даъво аризасини кўриб чиқишни бошлади. Бу ҳақда хабар берган AS қуйидагича ҳикоя қилган.
Португалиялик мутахассис 17 август куни "Камп Ноу" стадионида айни пайтдаги "Барселона" бош мураббийи Тито Виланованинг кўзига бармоғини тиқиб олишда абланмоқда. Ўшанда Моуриньо 2, Виланова эса 1та учрашувга дисквалификация қилинган, аммо кўп ўтмай Испания футбол федерацияси иккала мураббийни ҳам кечирганди.
Casa Paraula фирмасини 2012 йил февралида Барселона судига Маъмурий кодекснинг 617.2 бандига асосан даъво аризаси билан чиққанди. Ташкилот юристи Ориоль Касальс ўшанда шундай дегани эътиборга молик: "Тажовузкорлик - умумий тартиб-интизомга зид ҳаракатдир. Агар инсон кимнидир урсаю, аммо соғлиғига зарар етказмаса, у ҳолда уни жарима тортишади ёки 6 кунга уй қамоғига тиқишади. Моуриньо учун жазо миллион евродан ошиши мумкин".
2012 йил 25 апрель куни Барслеона олий суди бир қатор сабаблар билан даъво аризасини кўриб чиқишдан бош тортди. Эндиликда Моуриньо ишини Испания конституцион суди кўриб чиқади.
