"Милан" "Брюгге"га Ардон Яшари бўйича навбатдаги таклифни тайёрлади.
SportMediaset журналисти Орасио Аккомандонинг хабар беришича, "Милан" Швейцария терма жамоасининг 22 ёшли таянч ярим ҳимоячиси учун 35 миллион евро ва 2-3 миллион бонуслар таклиф қилади.
Таклиф шу дам олиш кунлари ёки душанба куни юборилади. Агар "Брюгге" яна рад жавобини берса, унда "россонерилар" суммани яна ошириши даргумон.
Ардоннинг ўзи билан шартнома шартлари аллақачон келишиб олинган, масала фақат Бельгия клуби позициясида.
Яшари ўтган мавсум Бельгия чемпионатида 35 та ўйинда майдонга тушиб, 3 та гол урди, 4 та голли узатмани амалга оширди ва 3 та сариқ карточка ишлаб олди.
