"Milan" "Bryugge"ga Ardon Yashari bo‘yicha navbatdagi taklifni tayyorladi.

SportMediaset jurnalisti Orasio Akkomandoning xabar berishicha, "Milan" Shveysariya terma jamoasining 22 yoshli tayanch yarim himoyachisi uchun 35 million yevro va 2-3 million bonuslar taklif qiladi.

Taklif shu dam olish kunlari yoki dushanba kuni yuboriladi. Agar "Bryugge" yana rad javobini bersa, unda "rossonerilar" summani yana oshirishi dargumon.

Ardonning o‘zi bilan shartnoma shartlari allaqachon kelishib olingan, masala faqat Belgiya klubi pozisiyasida.

Yashari o‘tgan mavsum Belgiya chempionatida 35 ta o‘yinda maydonga tushib, 3 ta gol urdi, 4 ta golli uzatmani amalga oshirdi va 3 ta sariq kartochka ishlab oldi.