"Ливерпуль"нинг чап қанот ҳимоячиси Константинос Цимикас янги чақирувни қабул қилиб, "қизиллар" сафини тарк этишга тайёр. Бу ҳақда Give me Sport хабар берди.
Манбага кўра, грециялик футболчи жорий ёзда жамоасини ўзгартириши мумкин. 29 ёшли футболчига Испания чемпионати клублари қизиқиш билдирмоқда.
Цимикас 2020 йилнинг ёзида "Олимпиакос"дан "Ливерпуль"га ўтган эди. Ўтган мавсумда ҳимоячи барча мусобақаларда 29 та ўйинда майдонга тушиб, 2 та голли узатмани амалга оширди. Футболчининг клуб билан амалдаги меҳнат шартномаси 2027 йилнинг ёзига қадар мўлжалланган. Transfermarkt порталида келтирилган маълумотларга кўра, футболчининг бозор нархи 18 млн еврони ташкил этади.
