"Брентфорд" ҳужумчиси Йоан Виссанинг клуб раҳбариятидан ҳафсаласи пир бўлди.
Аввалроқ, "асаларилар" 28 ёшли форвардни "Ньюкасл"га 25 миллион фунтга сотмагани маълум бўлганди.
Журналист Бен Жейкобснинг ёзишича, "қарғалар" "Брентфорд"га ўз таклифларини 30+5 миллион фунтгача яхшилашга тайёр эканликларини айтишган, аммо бунга жавобан ўйинчи сотилмаслигини ва фақат 50 миллион фунт ёки ундан кўпроқ таклиф қилинган тақдирдагина кетишини эшитишган.
Футболчининг ўзи "Брентфорд" бунча катта пул сўраётганидан ҳафсаласи пир бўлган ва клуб уни 26 миллион фунтга сотиш ваъдасини бузган деб ҳисоблайди - томонлар ўтган ёзда оғзаки келишувга эришган. Висса ҳатто маошини оширишни ҳам сўрамади, чунки у 2025 йилда клубни тарк этишини кутганди. Энди футболчи "асаларилар" билан машқ қилишдан бош тортмоқда.
Қайд этилишича, Йоаннинг трансфери бўйича катта таклифни Саудия Арабистонининг "Неом" клуби ҳам берган, аммо футболчининг ўзи "Ньюкасл" ёки Чемпионлар лигасида иштирок этувчи бошқа жамоага ўтишни истамоқда.
