"Челси" ҳужумчи Жоау Феликсни "Ан-Наср"га сотмоқда. Клублар португалиялик футболчининг трансфери шартлари бўйича деярли келишиб олишган, бу ҳақда бироз олдин маълум бўлганди. Бу маълумотни таниқли инсайдер Фабрицио Романо ҳам тасдиқлади, у томонлар битимнинг барча тафсилотларини яқин 24-48 соат ичида ҳал қилиш ниятида эканлигини таъкидлади.
"Ан-Наср" Жоау Феликсни "Бенфика"дан тортиб олди. Лиссабон клуби 25 ёшли форвард учун курашда фаворит ҳисобланган, аммо молиявий масалада саудияликлар билан рақобатга дош бера олмади.
Жоау Феликс "Челси"га ўтганига атиги бир йил бўлганди. Февралдан майгача футболчи "Милан"да ижарада ўйнаган.
