Лондоннинг "Челси" клуби ҳужумчи Жоау Феликсни "Ан-Наср"га сотишга жуда яқин. Саудия клуби 25 ёшли футболчи учун рақобатга қўшилди ва илгари асосий даъвогар ҳисобланган "Бенфика"ни ортда қолдиришга эришди. Журналист Педру Альмейданинг айтишича, "Ан-Наср" португалиялик учун 50 миллион евро таклиф қилган. Чамаси, "Челси" бу суммага рози бўлади, форварднинг ўзи ҳам трансферга очиқ.
Шундай қилиб, "Челси" Феликсни ўтган йили Мадриднинг "Атлетико"сидан 52 миллион еврога сотиб олган пулини деярли қайтариб олади. Ўтган мавсумнинг иккинчи ярмини футболчи "Милан"да ўтказди - "россонерилар" "кўклар"га ижара учун 5 миллион евродан ортиқ тўлаган эди.
