"Парма" марказий ҳимоячиси Жованни Леони "Ювентус"га ўтишга яқин турибди.
Яқинда маълум бўлганидек, "бьянконерилар" 18 ёшли футболчи учун "Интер" ва "Милан" билан кураш олиб борган. La Stampa хабарига кўра, "Ювентус" барча рақибларини ортда қолдириб, деярли келишувга эришган. "Парма"га "кекса синьора"нинг истиқболли италиялик футболчини битим тузилганидан кейин бир йилга қайта ижарага юбориш таклифи маъқул келди.
2024 йилнинг ёзида "Парма" ёш футболчини "Сампдория"дан 4,8 миллион еврога сотиб олди, Transfermarkt порталига кўра, унинг ҳозирги нархи 18 миллион еврони ташкил этади.
