"Милан" "Ювентус" ҳужумчиси Душан Влахович трансферидан умидини узмаяпти.
"Кекса синьора" футболчини шу ёзда сотиб юбормоқчи, "россонерилар" эса серб форвардига асосий даъвогарлардан бири бўлиб қолмоқда. Журналистлар Маттео Моретто ва Фабрицио Романонинг маълум қилишича, яқинда "Милан" вакиллари битим шартларини муҳокама қилиш учун 25 ёшли ҳужумчининг атрофидагилар билан яна боғланишган. Асосий муаммо футболчининг маоши бўлиб қолмоқда - у А Сериянинг ҳар қандай клуби, жумладан, "Ювентус"нинг ўзи учун ҳам жуда юқори.
"Милан" раҳбари Массимилиано Аллегри Душан Влаховични Туриндаги биргаликдаги фаолияти орқали жуда яхши билади ва бир йилдан сўнг амалдаги шартномаси тугайдиган ҳужумчи билан яна ишлашни истарди.
