Туринда ярим ҳимояда ўзгаришлар бўлиши мумкин. La Gazzetta dello Sport хабарига кўра, "Ювентус" Уэстон Маккеннини "Рома" хавбеки Брайан Кристантега алмаштириш имкониятини кўриб чиқмоқда. Клуб раҳбарияти ярим ҳимояни кучайтириш учун вариантларни танлаш устида фаол ишламоқда ва Кристанте устувор номзодлардан бири.
Шу билан бирга, "Юве" Маккенни билан шартномани узайтириш бўйича музокараларни тўхтатишга қарор қилди. Америкаликнинг амалдаги келишуви 2026 йилнинг ёзида тугайди ва клуб футболчини текинга йўқотмоқчи эмас.
Айни пайтда "Ювентус" ва "Рома" ўртасида тўғридан-тўғри музокаралар ўтказилмаган, бироқ томонлар иккала футболчининг вакиллари билан алоқага чиққан.
