Миланнинг "Интер" клуби марказий ҳимоячиси Янн-Аурель Биссекк жамоани тарк этмоқчи эмас.

Сўнгги бир неча ҳафта ичида 24 ёшли футболчи Англия Премьер-лигасининг номи ошкор этилмаган вакилларидан таклифлар олди, бироқ уларнинг барчасига рад жавобини берди, чунки у "нерадзуррилар" сафида ўйнашни давом эттирмоқчи, деб хабар бермоқда журналист Маттео Моретто. Германиялик футболчи Кристиан Кивунинг жамоасида ўзини кўрсатмоқчи ва келаси ёзда терма жамоаси билан жаҳон чемпионатига боришни орзу қилмоқда.

Янн-Аурел Биссек ўтган мавсумда "Интер" сафида 46 та ўйинда майдонга тушиб, 3 тадан гол ва голли узатмага муаллифлик қилган. Transfermarkt сайтида футболчининг нархи - 35 млн евро.