"ПСЖ" ҳужумчиси Рандаль Коло-Муани фаолиятини қаерда давом эттириш бўйича қарор қабул қилди.
Французнинг трансферига "Манчестер Юнайтед" қизиқиш билдираётган эди, аммо форвард "қизил иблислар" билан музокара ўтказишдан бош тортди, дея хабар бермоқда журналист Оратсио Аккомандо. 26 ёшли футболчи ҳамон 2024/25 йилги мавсумнинг иккинчи ярмини ижара асосида ўтказган "Ювентус"га қайтишга умид қилмоқда.
"Пари Сен-Жермен" Коло-Муани билан ҳамкорликни давом эттирмоқчи эмас ва трансфер ойнаси ёпилгунга қадар уни сотиб юборишга қатъий қарор қилган. "Ювентус" янги ижара таклиф қилди, бу парижликларни қониқтирмади.













