"Арсенал" жорий трансферлар даврида "Кристал Пэлас" ҳужумкор ярим ҳимоячиси Эберечи Эзени сотиб олишга уриниб кўради.

27 ёшли футболчига "канонирлар" қизиқиш билдираётгани ҳақида аввалроқ турли манбалар хабар тарқатган эди. Бу маълумотни таниқли инсайдер Фабрицио Романо ҳам тасдиқламоқда: унинг маълумотларига кўра, "Арсенал" июнь ойидан бери Эзенинг атрофидагилар билан алоқада бўлиб турибди, футболчининг ўзи Микель Артета жамоасига ўтишни жуда хоҳламоқда. Ҳозирча клублар ўртасида музокаралар олиб борилмаяпти, аммо тез орада бошланиши керак.

Шанба куни Лондон гранди Лиссабоннинг "Спортинг" клуби ҳужумчиси Виктор Дьёкереш билан шартнома имзолаганини расман тасдиқлади.