"Барселона" бош мураббийи Ханс-Дитер Флик Япониянинг "Виссел Кобе" жамоасига қарши ўтказилган ва каталонияликларнинг 3:1 ҳисобидаги ғалабаси билан якунланган назорат учрашувидан сўнг, ҳужумчи Маркус Рэшфорднинг нима учун чекланган ўйин вақтига эга бўлганини тушунтирди.
- У тайёргарликда бироз орқада қолмоқда - машғулотларни кечроқ бошлаган. Ҳозирча унинг машқлари кўп бўлмагани сабабли, эҳтиёткорлик билан ёндашишга ва унга ғамхўрлик қилишга қарор қилдик, - дея Фликнинг сўзларини келтиради Каталония клуби матбуот хизмати.
Эслатиб ўтамиз, Испания жамоаси "Манчестер Юнайтед"дан вингерни кейинчалик сотиб олиш ҳуқуқи билан ижарага олган. "Виссел Кобе"га қарши ўйинда футболчи тахминан ярим соат майдонда ҳаракат қилди ва алмаштирилди.
