"Ювентус" ҳамда Босния ва Герцеговина терма жамоаси собиқ футболчиси Миралем Пьянич "бьянконерилар"нинг ушбу трансфер ойнасида харид қилиш учун номзодлари ҳақида ўз фикрларини билдириб ўтди.
Хабарингиз бор, "Ювентус" бир неча ярим ҳимоячилар - "Ньюкасл"дан Сандро Тонали, "Спортинг"дан Мортен Юльманни ва "Рома"дан Брайан Кристанте вариантларини кўриб чиқмоқда.
"Тоналини олган бўлардим. У италиялик, катта салоҳиятга эга, "Милан" билан катта ютуқларга эришган ва Англияда ўсган. Камтар, кучли - "Ювентус"га керак бўлган ўйинчи", - дея Пьяничнинг сўзларини келтиради La Gazzetta dello Sport.
