Туриннинг "Ювентус" клуби собиқ футболчиси Миралем Пьянич ушбу жамоанинг туркиялик футболчи Кенан Йилдизни ўз сафида сақлаб қолишга уринишлари ҳақида фикр билдирди.

Аввалроқ, "бьянконерилар" "Челси"нинг футболчини сотиб олиш таклифини рад этгани ва Кенанга янги шартнома таклиф қилмоқчи экани маълум бўлганди.

"Йилдизга ишонч билдириш - тўғри қарор. Бу менинг у ерда бўлган вақтимдаги вазиятимга бироз ўхшайди, ўшанда Дибалани сақлаб қолишга қарор қилишганди. Кенан жамоа ва клуб учун муҳим, у камтар бўлиб қолиши ва шу билан бирга масъулиятни ўз зиммасига олиши керак. Кўриниб турибдики, у кўп меҳнат қилмоқда, у катта ютуқларга эриша олади," - дея Пьяничнинг сўзларини келтиради La Gazzetta dello Sport.

Ўтган мавсумда Йилдиз клуб миқёсида 51 та ўйинда майдонга тушиб, 12 та гол урган ва 9 та голли узатмани амалга оширган.