"Ньюкасл" "РБ Лейпциг" ҳужумчиси Беньямин Шешко трансфери устида ишламоқда.

Сўнгги ойларда словениялик футболчига "Арсенал", "Ливерпуль" ва "Манчестер Юнайтед" клублари қизиқиш билдираётган бўлса, эндиликда 22 ёшли футболчига "Ньюкасл" асосий даъвогар сифатида кўрилмоқда. Журналист Флориан Плеттенбергнинг ёзишича, "қарғалар" ҳозирча "РБ Лейпциг" билан оғзаки келишувга эриша олмаган, аммо Transfermarkt портали 70 млн еврога баҳолаган ҳужумчининг атрофидагилар билан фаол муҳокамаларни давом эттирмоқда.

Беньямин Шешконинг "Ньюкасл"га трансфери тақдири кўп жиҳатдан Александр Исакнинг сотилишига боғлиқ: шведга "Ливерпуль" даъвогарлик қилмоқда, миш-мишларга кўра, у учун инглиз футболидаги рекорд суммани тўлашга тайёр.