Римнинг "Лацио" клуби бош мураббийи Маурицио Сарри ҳақиқатан ҳам жамоа сафида "Наполи"нинг собиқ яримҳимоячиси Лоренцо Инсиньени кўришни истайди.
Бу ҳақда футболчининг вакили Андреа Д'Амико маълум қилди ва мутахассисга унинг ўйини ҳар доим ёққанини таъкидлади.
- Сарри ҳамиша Лоренцога ўз сафида кўрмоқчи эди. "Лацио" ҳозирда шартномаси тугаётган футболчилар билан муаммоларга дуч келмоқда, аммо бу ҳал бўлгач - трансфер ҳақида жиддий гапириш мумкин бўлади," - деди Д'Амико.
34 ёшли Инсиньенинг сўнгги клуби МЛСнинг "Торонто" клуби бўлиб, ярим ҳимоячи 2025 йилнинг 1 июлида клубни тарк этганди.
Унинг бозор қиймати 1,8 млн еврони ташкил этади. Италия терма жамоаси таркибида Инсинье Европа чемпиони ҳисобланади.
