"Марсель" ҳамон "Ювентус" билан Тимоти Веанинг трансфер шартлари бўйича келиша олмаяпти.

Латерал позициясида ўйнайдиган 25 ёшли вингер провансликлар сафига ўтишга розилик билдирди ва тезроқ трансфер амалга ошишига умид қилмоқда, аммо клублар ўртасидаги музокаралар осон кечмаяпти. Веанинг агенти ҳайрон, чунки июнь ойида "кекса синьора" футболчини "Ноттингем Форест"га 14 миллион еврога сотишга тайёр эди, энди эса "Марсель"дан худди шундай таклифни қабул қилишдан бош тортмоқда, дея хабар беради журналист Николо Скира. Эслатиб ўтамиз, америкаликнинг ўзи "ўрмончилар"га рад жавобини берган эди.

"Ювентус"нинг ўз сабаблари бор: бош директор Дамьен Камолли Тимоти Веанинг "Марсель"га 14 млн еврога сотилишини маъқулламоқчи эмас, чунки номи ошкор этилмаган инглиз клуби анча кўпроқ - 18-20 млн евро таклиф қилмоқда.