"ПСЖ" дарвозабони Жанлуижи Доннарумма ёздаёқ жамоасини ўзгартириши мумкин.
Италиялик футболчининг харидига "Галатасарой" қизиқиш билдирмоқда, бу ҳақда сўнгги кунларда турли манбалар хабар беришга улгурди. Туркия клуби аллақачон дарвозабон борасида парижликларга аниқ таклиф билан чиққан, деб ёзади инсайдер Экрем Конур. Ўйинчининг ўзи ҳали бир қарорга келгани йўқ.
Жанлуижи Доннарумманинг "ПСЖ" билан шартномаси бир йилдан камроқ вақт ичида ўз ниҳоясига етади ва келишувни узайтириш бўйича музокаралар муваффақиятсиз якунланди. Вазиятни Европанинг етакчи лигалари грандлари ҳам кузатиб бормоқда. Transfermarkt портали талқинига кўра, 26 ёшли кипернинг нархи 40 млн еврони ташкил этади.
