Жанубий Кореянинг Инчеон шаҳрида бўлиб ўтаётган ёпиқ иншоотлардаги IV Осиё ўйинларида иштирок этаётган Ўзбекистон аёллар футзал терма жамоаси «В» гуруҳи 3-тур ўйинида Хитой аёллар терма жамоаси билан 1:1 ҳисобида дуранг ўйнади ва мусобақадаги иштирокини якунлади.

Эслатиб ўтамиз, Аваз Максумов бош мураббийлигидаги Ўзбекистон аёллар футзал терма жамоаси мусобақанинг илк турида Япония терма жамоаси футзалчи қизларига ҳам йирик ҳисобда имкониятни бой берган эдилар. Индонезия қарши кечган учрашувда ҳам, ўзбекистонлик футзалчи аёллар йирик ҳисобда мағлуб бўлди. Ўзбекистон аёллар футзал терма жамоаси мусобақанинг 3-турида 30 июнь куни Хитой аёллар терма жамоасига қарши майдонга тушди ва ўйин 1:1 ҳисоби билан якунланди. Ўзбекистонлик қизларнинг ягона голига, Екатиерина Сальникова муаллифлик қилди.

Шу тариқа, «В» гуруҳида иштирок этган Ўзбекистон аёллар терма жамоаси Осиё ўйинларидаги иштирокини якунлади. Маълумот ўрнида, Осиё ўйинларининг эркаклар ўртасидаги мусобақасида иштирок этаётган Ўзбекистон футзал терма жамоаси гуруҳдаги иккинчи ўйинини 1 июль куни Қатар терма жамоасига қарши ўтказади. Эслатиб ўтамиз, Ўзбекистон футзал терма жамоаси 27 июнь куни 1-тур доирасида Афғонистон футзал терма жамоасига қарши майдонга тушиб, йирик ҳисобда ғалаба қозонган эди .

Ёпиқ иншоотлардаги IV Осиё ўйинлари. Футзал.
«В» гуруҳи. 2-тур. 26 июнь.
Ўзбекистон - Хитой - 1:1
Ўзбекистон футзал терма жамоаси таркиби: Олия Акрамова, Ойгулхон Ёқубова, Марина Собирова, Саида Галимова, Елена Лагуткина (асосий таркиб)
Заҳира: Гулшаной Жалолова, Екатерина Сальникова, Зиёда Туланбоева, Ирода Турдиалиева, Нодира Жумаева, Ўғилой Қўчқорова, Альбина Белалова, Рушания Сафина, Мавлуда Мунавварова