"Ювентус" Дуглас Луисни жазолашга қарор қилди.
Машғулотлар қайта бошланган куни бразилиялик ярим ҳимоячи йиғинда иштирок этмади. У сабабини тушунтирмасдан машғулотларни ўтказиб юборди ва ҳали ҳам қароргоҳга етиб келмади.
La Gazzetta dello Sport хабарига кўра, хавбек 40 мингдан 120 минг еврогача, яъни ҳисобланган ойлик маошининг 5 фоизидан 15 фоизигача жарима тўлаши керак бўлади. Сумма ўтказиб юборилган кунлар сонига боғлиқ бўлади. Футболчи "бьянконерилар" сафига янги ҳафта бошида етиб боришини маълум қилган.
Таъкидланишича, Луис Англияга қайтишни истамоқда ва "Ювентус" унга муносиб таклиф тушса, қўйиб юборишга тайёр. Мажбурий сотиб олиш шарти билан ижарага олиш ҳам мумкин.
Дугласга асосий даъвогар сифатида "Эвертон", "Вест Хэм", ва "Ноттингем Форест" тилга олинмоқда.
