Испаниянинг "Бетис" клуби янги даврга қадам қўйишга тайёрланмоқда - биринчи августдан бошлаб эски "Бенито Вильямарин" стадионини бузиш ва ўша ном билан янги арена қуриш жараёни бошланади. Янги стадион 60 минг томошабинни сиғдира олиши керак. Шу орада, "Бетис" ўз уй ўйинларини "Estadio de la Cartuja" стадионида ўтказади.
"Бетис"нинг янги стадиони 34 метр баландликда бўлади - бу 10 қаватли бинодан бироз баландроқ. Унда майдон ва трибуналардан ташқари, тижорат объектлари учун майдонлар, меҳмонхона жойлашуви, шунингдек спорт клиникаси ҳам бўлади. Лойиҳа қисман шаҳар ҳокимияти томонидан молиялаштирилади.
