Ҳимоячи Милан Шкриньяр тез орада "Фенербахче"нинг тўлақонли футболчисига айланади. Инсайдер Фабрицио Романо хабарига кўра, футболчи тез орада тиббий кўрикдан ўтади, турклар "ПСЖ" билан келишувнинг якуний тафсилотларини ишлаб чиқишмоқда.
Эслатиб ўтамиз, Шкриньяр "ПСЖ" билан 2028 йилнинг ёзига қадар мўлжалланган узоқ муддатли шартномага эга. Бироқ словакиялик футболчи ўтган мавсумнинг иккинчи ярмини "Фенербахче"да ижара асосида ўтказиб, Туркия чемпионатининг кумуш медали соҳибига айланганди.
"ПСЖ"да у Луис Энрике қўл остида етарлича ўйин амалиётига эга бўлмаган. Португалиялик Жозе Моуриньо ўтган мавсумдан бери "Фенербахче" бош мураббийи бўлиб ишлаб келмоқда.
