"Челси"нинг чап қанот ҳимоячиси Марк Кукурелья Саудия Арабистонига кўчиб ўтиши айтилаётган эди. 27 ёшли футболчига яқинда "Ан-Наср" қизиқиш билдираётган эди, бироқ журналист Бен Жейкобснинг маълумотига кўра, Лондон гранди жорий трансферлар даврида испаниялик футболчи бўйича таклифларни кўриб чиқмайди.
Марк Кукурелья "Челси" сафида 2022 йилнинг ёзидан буён тўп тепиб келмоқда, унинг амалдаги шартномаси 2027/28 йилги мавсум якунлангач, ўз ниҳоясига етади. Ўтган мавсумда футболчи Энцо Мареска жамоаси сафида барча мусобақаларда 54 та ўйин ўтказиб, еттита гол ва тўртта голли узатмани ўз ҳисобига ёздириб қўйган. Transfermarkt портали латералнинг нархини 35 млн еврога баҳоламоқда.
