"Наполи" "Ювентус" ярим ҳимоячиси Фабио Миреттини ўз сафига қўшиб олиш фикридан қайтмаяпти.
"Кекса синьора" раҳбарияти агар 21 ёшли футболчи учун 20 млн евро таклиф қилишса, у билан хайрлашишга тайёр, деб хабар бермоқда журналист Жанмарко Жордано. "Наполи" хавбекни 12-13 млн еврога баҳоламоқда ва бундан кўпроғини таклиф қилишни режалаштирмаяпти. Клублар келишувдан йироқ, аммо муҳокамалар тўхтамаяпти - вазият ўзгариши мумкин.
Фабио Миретти ўтган мавсумни "Женоа"да ижара асосида ўтказди ва А Сериянинг 25 та учрашувида 3 та гол ва 3 та ассист қайд этди. Transfermarkt портали мутахассислари италиялик футболчининг нархини 14 млн еврога баҳоламоқда.
