"Ньюкасл" ҳужумчиси Александр Исак "Ливерпуль"нинг навбатдаги қимматбаҳо янги футболчисига айланиши мумкин.
Швед мерсисайдликлар сафига ўтишга қатъий бел боғлаган, бу ҳақда "қарғалар" раҳбариятига маълум қилган. 25 ёшли футболчи фаолиятини давом эттиришнинг бошқа вариантларини кўриб чиқмаяпти ва тез орада "қизиллар" ҳужумчи бўйича биринчи расмий таклифни бериши мумкин. Инсайдер Фабрицио Романо маълумотига кўра, айни дамда Исакнинг "Ливерпуль"га ўтиш эҳтимоли 60 фоизни ташкил этмоқда. Янги трансфер эртаги ёз охиригача чўзилиши ҳам эҳтимолдан холи эмас.
Transfermarkt талқинига кўра, Александр Исакнинг нархи 120 млн еврога тенг. Миш-мишларга кўра, "Ливерпуль" футболчи учун Англия Премьер-лигаси тарихидаги рекорд суммани тўлашга тайёр.
