"Милан" ҳужумчиси Лоренцо Коломбо келаси мавсумни "Женоа"да ижара асосида ўтказади. Бу ҳақда Генуя жамоаси расмий сайти хабар бермоқда.
Имзоланган шартноманинг бир қатор шартлари бажарилган тақдирда, ушбу келишув 23 ёшли италиялик футболчини 10 миллион еврога сотиб олиш билан якунланади.
Коломбо "Милан" тарбияланувчиси ҳисобланади. 2020 йилда асосий жамоада пайдо бўлганидан сўнг, у деярли ўйнамади (11 ўйин ва 1 гол), вақти-вақти билан кичикроқ жамоаларга ижарага берилди.
Ўтган мавсумни Коломбо "Эмполи"да ўтказди. Ушбу клуб сафида 43 та ўйинда у 7 та гол урди ва 2 та голли узатмани амалга оширди.
