"Milan" hujumchisi Lorenso Kolombo kelasi mavsumni "Jenoa"da ijara asosida o‘tkazadi. Bu haqda Genuya jamoasi rasmiy sayti xabar bermoqda.
Imzolangan shartnomaning bir qator shartlari bajarilgan taqdirda, ushbu kelishuv 23 yoshli italiyalik futbolchini 10 million yevroga sotib olish bilan yakunlanadi.
Kolombo "Milan" tarbiyalanuvchisi hisoblanadi. 2020 yilda asosiy jamoada paydo bo‘lganidan so‘ng, u deyarli o‘ynamadi (11 o‘yin va 1 gol), vaqti-vaqti bilan kichikroq jamoalarga ijaraga berildi.
O‘tgan mavsumni Kolombo "Empoli"da o‘tkazdi. Ushbu klub safida 43 ta o‘yinda u 7 ta gol urdi va 2 ta golli uzatmani amalga oshirdi.
