"Рома" қанот ҳимоячиси Уэсли билан шартнома имзолади. Бу ҳақда Рим клуби матбуот хизмати ўз сайтида расман маълум қилди. Футболчи Бразилиянинг "Фламенго" клубидан сотиб олинган.
"Римга хуш келибсан, Уэсли!" - дейилади римликлар сайтидаги хабарда.
Журналист Жанлука Ди Марционинг маълум қилишича, итальян клуби Уэсли учун "Фламенго"га 25 млн евро тўлаган. Яна 5 млн евро бонус сифатида кўзда тутилган. Бразилиялик А Серия клубида 43-рақамда ҳаракат қилади.
"Фламенго" сафида 21 ёшли ҳимоячи 2021 йилдан буён тўп суриб келмоқда. Унинг ҳисобида Бразилия клуби сафида 136 та ўйин, 4 та гол ва 6 та голли узатма бор. Transfermarkt маълумотларига кўра, Уэслининг нархи - 20 млн евро.
