"Барселона"нинг янги аъзоси Руни Барджи клуб мураббийлар штабини ҳайратда қолдиришда давом этмоқда. Бош мураббий Ханс-Дитер Флик ва унинг ёрдамчилари швециялик вингернинг жисмоний ҳолатидан ҳайратда қолишди, деб хабар беради Diario Sport. 19 ёшли футболчи жамоа қароргоҳига ажойиб ҳолатда етиб келди - ҳозирда у аксарият жамоадошларидан бир неча қадам олдинда.
"Барселона" июль ойи ўрталарида Даниянинг "Копенгаген" клубидан Руни Барджини 2,5 млн еврога сотиб олганди. Ёш футболчи "кўк-анорранглилар" сафида мавсумолди биринчи ўйинида Япониянинг "Виссел Кобе" дарвозасини ишғол қилди (3:1). Ўртоқлик учрашуви якунлангач, Флик швециялик футболчини асосий таркибда ўйнатишни давом эттиришни режалаштираётганини айтди.
