"Байер" ярим ҳимоячиси Гранит Жака фаолиятини Англия Премьер-лигасида давом эттириши мумкин. Журналист Николо Скиранинг маълум қилишича, 32 ёшли швейцариялик футболчи аллақачон тиббий кўрикдан ўтиш учун келган, шундан сўнг у "Сандерленд" билан икки йиллик шартнома имзолайди.

Клублар аввалроқ битим шартларини келишиб олишганди - трансфер суммаси 20 миллион еврони ташкил этади.

Швейцариялик футболчи ўтган мавсумда "Байер" сафида барча мусобақаларда 49 та ўйинда майдонга тушиб, 2 та гол урган ва 7 та голга ҳаммуаллифлик қилган.

Эслатиб ўтамиз, "Сандерленд" ўтган мавсум якунларига кўра АПЛга қайтганди.