"Bayer" yarim himoyachisi Granit Jaka faoliyatini Angliya Premyer-ligasida davom ettirishi mumkin. Jurnalist Nikolo Skiraning ma’lum qilishicha, 32 yoshli shveysariyalik futbolchi allaqachon tibbiy ko‘rikdan o‘tish uchun kelgan, shundan so‘ng u "Sanderlend" bilan ikki yillik shartnoma imzolaydi.
Klublar avvalroq bitim shartlarini kelishib olishgandi - transfer summasi 20 million yevroni tashkil etadi.
Shveysariyalik futbolchi o‘tgan mavsumda "Bayer" safida barcha musobaqalarda 49 ta o‘yinda maydonga tushib, 2 ta gol urgan va 7 ta golga hammualliflik qilgan.
Eslatib o‘tamiz, "Sanderlend" o‘tgan mavsum yakunlariga ko‘ra APLga qaytgandi.
