"Ювентус" марказий ҳимоячиси Даниэле Руганига "Порту" қизиқиш билдирмоқда.
"Аждарлар" бугун 31 ёшини нишонлаётган футболчига таклиф билан чиқишга тайёр, бироқ "бьянконерилар" у билан хайрлашишга шошилмаяпти, чунки Глейсон Бремер ва Хуан Кабаль ҳали жароҳатларидан тикланмаган, деб хабар беради Sky Sport. "Кекса синьора" раҳбарияти янги мавсумда тажрибали италиялик футболчига ишонч билдирмоқчи.
Transfermarkt портали Даниэле Ругани нархини 3 млн еврога баҳоламоқда. Эслатиб ўтамиз, марказий ҳимоячи 2024/25 йилги мавсумда Амстердамнинг "Аякс" клубида ижара асосида ўйнаган эди. Футболчининг амалдаги шартномаси келаси йилнинг ўрталарида тугайди.
