"Манчестер Юнайтед" "Барселона" ярим ҳимоячиси Тиаго Алькантара билан шахсий шартнома шартлари борасида келишувга эришди. Бу ҳақда Goal.com хабар тарқатган.
Унга кўра, Испания ёшлар терма жамоаси аъзоси инглиз клубига ўтган тақдирда ҳафталик маоши 140 минг евро бўлади. Бу унинг Каталониядаги маошидан икки баробар кўп дегани.
Манба маълумотларига қараганда, "МЮ" Алькантарани мавсумлар оралиғида 18 миллион еврога ҳарид қилишига шубҳа йўқ.
Лекин бу сотиқ амалга ошмаса, 1 августдан футболчининг амалдаги шартномаси бекор қилиш нархи 90 миллион еврога етади.
