Жоау Феликс юлдуз ҳамюрти - Криштиану Роналду ёнига йўл олди. "Ан-Наср" аввалига Феликс билан қисқа видео эълон қилган бўлса, бироздан сўнг 25 ёшли форвард билан шартнома имзолаганини маълум қилди. Меҳнат шартномаси Феликсни "Ан-Наср" билан икки мавсумга - 2027 йилнинг ярмигача боғлайди.
Матбуот маълумотларига кўра, Феликснинг трансфери учун "Ан-Наср" "Челси"га 30 миллион евро тўлайди. Турли бонус тўловлари ҳисобига битим суммаси 50 миллионгача ўсиши мумкин.
"Ан-Наср" янги мавсумга тайёргарликни бошлаб юборган. Ўтган мавсум жамоа учинчи ўринни эгаллаган эди. Июнь ойида Криштиану Роналду "Ан-Наср" билан Про-лига чемпионлигини қўлга киритмоқчи экани ҳақида гапирганди.
