Лондоннинг "Челси" клуби ҳужумкор ярим ҳимоячи Хави Симонснинг трансфери борасида "РБ Лейпциг" билан келишиб олмоқчи.

Нидерландиялик аллақачон "кўклар" билан узоқ муддатли шартнома бўйича келишиб олган, бу ҳақда бир неча кун олдин хабар берилган эди. Инсайдер Николо Скиранинг янгиланган маълумотига кўра, клублар ўртасидаги музокаралар ҳам муваффақиятли якунланиш арафасида. Томонлар битимнинг сўнгги тафсилотларини ҳал қилишлари керак эди. Қайд этилишича, муҳокамалар жараёнида лондонликлар бош мураббийи Энцо Мареска асосий ролни ўйнаган.

Transfermarkt экспертлари Хави Симонснинг нархини 70 млн еврога баҳоламоқда. Ўтган мавсумда 22 ёшли футболчи "РБ Лейпциг" сафида 33 та ўйинда майдонга тушиб, 11 та гол ва 8 та голли узатмага муаллифлик қилган.